aCentral Folque presenta… no Culturgal

O vindeiro domingo 29 de novembro de 2020 aCentral Folque participará no palco “Escena” desde o Auditorio do Pazo da Cultura de Pontevedra nun evento deste Culturgal’20 marcado polas circunstancias actuais da alerta sanitaria e que se ofrecerá ao vivo para un público moi reducido (de balde con reserva) e emitido por Internet na canle da feira desde a súa web: https://www.culturgal.com

O recital “aCentral Folque presenta…” é un espectáculo de 1 hora onde haberá un repaso coas novidades deste 2020 desde a editorial. Performances, concertos e palestra arredor dalgúns dos temas que aCF argallou neste ano tan especial.

  • Abellón. O libro Negro das Zoadeiras. Performance dos autores do libro Xoán-Sil López e Mauro Sanín nunha interacción con zoadeiras e bramadeiras sobre os vídeos feitos ex profeso para este proxecto coa actriz Paula Ballesteros.
  • Fuliada na Vila. O autor e músico Richi Casás acompañado de Fran Galán, guitarrista do proxecto de 11 músicos, interpretarán algunhas versións a dúo do libro-disco homónimo con arranxos do autor sobre as melodías recollidas por Dorothé Schubarth na Vila da Igrexa en 1980 da súa avoa, Rosa Casás.
  • O feitizo de Maruja Roca. Estrea deste proxecto editorial sobre a grande fotógrafa de Becerreá coa intervención de Eutropio Rodríguez, editor do libro e Nieves Neira, performer.
  • Ben vennas Maio. Cos músicos Pablo Sanmamed, Iago Mourinho e Chus Pazos sobre arranxos do primeiro sobre cantigas profanas de Afonso X do que será o seu próximo traballo discográfico neste Nadal. A poeta Alba Cid intervirá cun fermoso texto que acompaña este vinilo.

About Folque

aCentral Folque, Centro Galego de Música Popular. Galiza, Europe
Bookmark the permalink.

One Comment

  1. ESPERO DISFRUTAR COMA SEMPRE COS VOSOS TRABALLOS

Deixa un comentario