O vindeiro venres 26 de xullo Santiago de Compostela, estará repleto polas actividades dun novo evento que se celebra na cidade dentro das Festas do Apóstolo. O TradFest é a continuación do Certame Folk que La Voz de Galicia leva organizando nestas datas desde hai sete anos. Máis de 200 artistas, 13 horas de música, baile e cantos, 5 prazas e rúas da zona vella e unha programación variada para celebrar e participar.
O TradFest nace coa vontade de reunir a un público numeroso nas rúas da cidade arredor do baile e a música tradicional e folque para chegar a unha audiencia variada, interxeracional, local e vindeira (turistas) e formar parte do movemento de crecemento exponencial que é a música e o baile trad, ofrecendo unha programación artística galega de calidade, inclusiva e participativa.
O festival supón unha renovación non só de nome senón de concepto: o baile participativo e a música ao vivo, liña fundamental da programación. O baile con roupa cómoda, espontáneo e inclusivo.
Haberá ademais outros espazos alén da Praza da Quintana como as prazas de Mazarelos, 8 de marzo, Roxa, San Martiño Pinario, Parque de Bonaval e varias actividades ambulantes polas rúas da cidade.
Teremos obradoiros de danza galega (Gentalha do Pichel) e “bal-folk” europea (Grupo Monteira), obradoiros para crianzas (Zampadanças) e adultos, folións e pasarrúas, colectivos que dinamizarán os concertos, concertos para escoitar de outros estilos (Handle with swing ou Tango á rúa), músicos galegos e internacionais (Cheny Wa Gune), un serán con pandereteiras e novos músicos (Os da Porfía) e unha pre-estrea mundial (“Os camiños de Breogán” que inaugurará o Festival Intercéltico de Lorient no 2019.
La Voz de Galicia promove este evento canda o Concello de Santiago e conta co apoio da Xunta de Galicia por medio da Agadic. aCentral Folque participa con Nordesía Producións no deseño, dirección e produción do TradFest 2019.
PROGRAMA Actividades Compostela Trad Fes
Animación: Folión. Os Fondaos do Pífaro
11:00. Saída Praza de Mazarelos
Obradoiro infantil de danzas. Zampadanças
11:00. Parque de Bonaval (ruínas dos arcos)
Concerto. Cheny Wa Gune (Solo)
12:00. Praza de Mazarelos
Performance: Baile no comercio local con Óscar Cobos
13:00. Saída Praza de Cervantes (Libraría Couceiro)
Animación: Pasarrúas. Do Fondo do Peto
13:00. Saída Praza de Praterías
Sesión Vermú: Concerto Caamaño&Ameixeiras
13:00. Praza 8 de marzo
Animación: Folión Os Fondaos do Pífaro
16:30. Saída Praza de 8 de marzo
Obradoiro infantil de danzas Zampadanças
16:30. Parque de Bonaval
Performance: Baile no comercio local con Óscar Cobos
18:00. Saída Rúa do Vilar. (Sombreirería Iglesias)
Concerto baile Caamaño&Ameixeiras
18:00 Praza 8 de marzo
Obradoiro de baile galego e foliada. Gentalha do Pichel
18:30. Praza de Mazarelos
Obradoiro de danzas europeas. Grupo Monteira Danzas do Mundo
19:00. Praza 8 de marzo
Concerto baile Obal
20:00. Praza 8 de marzo
Concerto baile Handle with Swing
20:00 Praza Roxa
Concerto Cheny Wa Gune Trio
20:00. Praza de San Martiño Pinario
Concerto e baile: Un serán con Os da Porfía
20:00. Praza da Quintana
Cantos de Taberna: Muiñeiros do Sarela
20:30. Saída do Mercado de Abastos (A Sucursal)
Animación: Pasarrúas. Banda de gaitas de Forcarei
21.30. Saída Rúa Nova
Concerto TradFest: “Os camiños de Breogán”: Banda de Música de Silleda, Banda de Gaitas de Forcarei, Bouba, Suso Vaamonde, José M. López “Josele”, Davide Salvado, Begoña Lorenzo, Pablo Seoane. Dirixe: Rafa Agulló
22:00. Praza da Quintana
Concerto Tango á rúa (El barullo tango & OscarAntiaTango: Alejandro Casquero e Alejandro Szabo -músicos- con Antia Barcia e Óscar Cobos -baile)
22:30. Praza de San Martiño Pinario
………………..
ROTEIROS das ACTIVIDADES AMBULANTES
MAÑÁN
11:00 – 12:30. Folión. Os Fondaos do Pífaro. Saída Praza Mazarelos
Mazarelos – Toural – Alameda – Obradoiro
13:00 – 14:30. Baile no comercio local. Óscar Cobos. Saída Praza Cervantes
13 h Cervantes: Couceiro / 13:15h Feixoo: Katy + Sequelo: de Cotio / 13:45 Vilar: Xastreria Pepecillo / 14:15h Mercado Abastos
13:00 – 14:30. Pasarrúas. Do Fondo do Peto. Saída Praza Praterías
Praterías – Vilar – Toural – Mazarelos – Mercado de Abastos
TARDE
16:30 – 18:00. Folión. Os Fondaos do Pífaro. Saída Praza 8 marzo
Praza 8 marzo – Casas Reais – Cervantes – Preguntoiro – Praza de Mazarelos.
18:00 – 20:00. Baile no comercio local. Óscar Cobos. Saída Rúa do Vilar
18h Vilar: Sombreireria Iglesias / 18.30h Nova: Xoiería Amboa / 19h Vía Sacra: Casa das Crechas / 19:30h Troia: Acivro Xoias
20:30 – 22:30. Cantos de Taberna. Muiñeiros do Sarela. Saída Mercado de Abastos
20:30h A Sucursal / 21.10h Nave 5 / 21:50h Bierzo enxebre / 22:30h A Gramola
21:30 – 22:00. Pasarrúas. Banda de gaitas Forcarei. Saída Rúa Nova.
Teatro Principal – Praza Feixoo – Cervantes – Rúa Acibechería – Praza da Quintana
