Este vindeiro mércores 26 de outubro organizamos un concerto de presentación da escola para o curso académico 2016/17. Será na sala Mozart do Auditorio de Galicia en Santiago de Compostela e con entrada de balde ás 21 horas. O recital contará con mestres e alunado da escola para mostrar algunhas das estéticas arredor da música tradicional contemporánea que desenvolvemos na Escola de Música Tradicional e Avanzada (EMPA).
Artistas que actuarán esta noite:
- Alejandro Vargas Trío (Alejandro Vargas piano, Pablo Pérez contrabaixo e Carlos Freire, batería)
- Pablo Sanmamed Trío (Pablo Sanmamed contrabaixo, Iago Mouriño piano e Bruno Couceiro batería)
- Paulina Ceremuzynska, canto
- Sergio Cobos, danza
- Blanco e Goás, (María Blanco violino e Gon Goás guitarra)
- Alba María, voz
- Ariel Ninas, sanfona
- Carme da Pontraga, voz e pandeireta
- e o Combo Folque, pequena ensemble saída o curso pasado do Curso Maxistral
