Zona da Zanfona 2020 cumple dezaseis anos e continúa a presentar espectáculos onde a zanfona teña un protagonismo especial.
Para esta edición escollemos artistas do estado cun programa especial para cumplir cos protocolos de sanidade, hixiene e distanciamento físico que a situación require. Serán de balde mais é preciso unha inscrición previa para contabilizar e repartir o número de asistentes no Auditorio de Rianxo (Avenida dos Autores da Rianxeira, SN, zona do porto). Podes consultar os detalles máis abaixo.
Os concertos atenden a un criterio de especialización (o virtuoso Efrén López e as músicas mediterráneas), popular (o repertorio tradicional galego do dúo Sobre Rodas e a dramaturxia de Os Monifates) e as novas expresións recreadas (trío É Romance sobre o romanceiro tradicional ibérico). Esta edición non contará co concerto do “Palco Aberto”, unha mostra das escolas de zanfona do país.
Se queres saber máis de cada evento, pica nas ligazóns:
Concertos ZdZ
Venres 3 xullo. Auditorio de Rianxo. 22.30h
- Efrén López. Solo.
- Sobre Rodas: Luís ‘Caruncho’ e Carlos do Viso
Sábado 4 xullo. Auditorio de Rianxo. 22.30h
- Os Monifates: Alberto Millán e José Nebra
- é Romance: Alba María, Queco Díaz e Uxía Muíño
Inscrición e información xeral:
- O aforo será limitado e as medidas sanitarias e de distancia física para persoas segundo as normas estabelecidas
- Debes enviar un correo electrónico coa seguinte información: nome, enderezo electróncio, teléfono de contacto e número de persoas e se son de convivencia habitual
- A reserva das entradas é para persoas individuais ou grupo de convivintes (máximo 5 persoas)
- Enderezo electrónico: auditorio@concelloderianxo.gal
- Teléfono alternativo: +34 664 183 217
asistirei encantada!!!!!