Arredor da pandeira é un curso que impartirá Felisa Segade o vindeiro sábado 28 de maio pola tarde no CSC d’A Trisca en Santiago de Compostela. Este obradoiro de 4 horas está orientado a persoas iniciadas na pandeira para desenvolver repertorio, técnicas e estilo para acompañamento ao canto. Pivotará sobre contidos legados da tradición conservada na montaña oriental galega.
Detalles:
- Lugar: Centro Sociocultural da Trisca. Santiago de Compostela
- Data: sábado 28 maio de 2022
- Horario: 10h a 14h. 4 horas totais
- Prezo: 20 €
- Prazas limitadas
- Nivel: medio; persoas xa iniciadas no instrumento.
- Inscripción: enche o formulario de embaixo; recibirás un correo coas instrucións de matrícula
- + info: matricula@folque.com
Contido
Neste obradoiro traballarase co repertorio das tocadoras da vertente galega da montaña ancaresa (concello de Cervantes) e do Val de Ancares (concello de Candín).
Así pois dependendo dos lugares haberá diferentes xeitos de tocar:
A unha man:
- Xeito “palma” ou xeito “pulso”
- Puño-polegar
- Trtiscado/rascado
- Man volta
A dúas mans:
- Unha + dúas mans
- Dependendo das tocadoras, terase tamén moi en conta:
- Os tránsitos
- Os acentos
…Miña pandeiriña
moitos traballos che dan
de noite tocas nas festas
de día limpas o gran
Sobre Felisa Segade
De formación autodidacta, leva dende o ano 86 dedicada ao traballo de campo na recollida da nosa música e tradición cultural, co que alimenta tanto os seus traballos musicais como docentes. Imparte aulas de percusión tradicional en diferentes entidades e agrupacións culturais de toda Galicia, e desde 1989 é integrante do grupo de baile e música tradicional Brincadeira (Compostela).
É cofundadora de Leilía (1989) e tamén de Tres Pesos, de máis recente formación(2014), grupos nos que dedica o seu tempo na recopilación, análise, proposta musical e interpretación da música galega de tradición oral nas súas diferentes formas, manifestacións e expresións.
Felisa, como moitas outras mestras e mestres en toda Galicia, imparten aulas arredor da percusión e da tradición oral galega e colaboran en investigacións, traballos de campo e recolleita, tamén propostas musicais, de diferente alcance e dimensión.
Formulario de inscrición:
Recibirás un correo persoal (non automático, non inmediato) coa confirmación; debes mirar na pasta do “spam” se non chegase ao cartafol principal do teu correo electrónico.
Os dados enviados serán tratados confidencialmente segundo as normas da Lei Orgánica 3/2018 do 5 de decembro sobre a Protección de Dados Persoais e garantía dos dereitos dixitais.
Estes cursos están organizados por aCentral Folque coa axuda de:
Concello de Santiago e a Deputación Provincial da Coruña
