Escola de Música

A escola de aCentral Folque é un centro de ensino dinámico no que prima a calidade da relación entre mestre e alunado. A súa metodoloxía baseáse na transmisión do legado da música popular galega e no acompañamento d@ alumn@ na búsqueda da súa propia voz dentro da escena contemporánea. Para isto, a escola é coñecida por contar cun equipo de profesores excepcional formado por algunhas das figuras máis relevantes da escena musical galega.

A continuación descríbense de xeito xeral os principais aspectos da escola.

MISIÓN

aCentral Folque estáblecese hai dezaoito anos coa misión de estudar, divulgar e promocionar a música popular galega desde un enfoque aberto e contemporáneo. Cunha orientación e plan de estudos que aposta pola profesionalización do alumnado, aCentral Folque traballa para ser un espazo creador de novas voces na música popular galega.

ESTRUTURA DA ESCOLA

A escola conta con dúas liñas de traballo docente: as Aulas individuais e Colectivas e o Curso Maxistral aCF.

+ Aulas individuais

Aulas individuais especializadas en diferentes instrumentos e técnicas. Abertas para todo tipo de persoas interesadas na música popular galega con independencia dos seus coñecementos musicais. Sanfona, Violino, Canto, Frautas, Percusión, Gaita

Para coñecer máis sobre as Aulas individuais pica aquí.

+ Aulas colectivas

Aulas en grupo en diferentes disciplinas sobre a música popular contemporánea na Galiza. Baile, Linguaxe musical: método Kodály, Harmonía, Análise na música popular.

Para coñecer máis sobre as Aulas colectivas pica aquí.

+ Curso Maxistral aCF

O Curso Maxistral aCF é un curso estruturado nun ano que vai orientado ás persoas iniciadas na música que queiran afondar na linguaxe da música popular galega. Ofrece un estudo amplo e profundo do legado musical galego unido á ensinanza de linguaxes e métodos de vangarda. O obxectivo é dotar ao alumno dunha bagaxe sólida que lle permita expandirse como músico e expresar a súa propia voz dentro da escena contemporánea. Para coñecer máis sobre o Curso Maxistral aCF, pica aquí.

+ Matrícula nos cursos

A matrícula nos cursos da Escola tanto no itinerario do Curso maxistral como nas aulas de especialización podes facela aquí

+ Docentes na escola

Máis de vinte especialistas en activo aprenderán os máis diversos coñecementos sobre a música popular. Mestres permanentes de ensino regular coma: Alejandro Vargas, Alba María, Óscar Fernández, Roberto Sala, María G. Blanco, Ramon Pinheiro, Pablo Pérez,  Sergio de la Ossa, Paulina Ceremuzynska, Serxio Cobos, Javier María López ou convidados para seminarios especiais que nos últimos anos tiveron a docentes coma Dorothé Schubart, Fernando Abreu, Tomás Ageitos, Olga Kirk, Quique Peón, Felisa Segade, Paulo p, Óscar Ibáñez, Pedro Fariñas, Xavier Groba, Carme Iglesias, Jose Luís do Pico, David Bellas,…

HISTORIA

A historia d’aCentral Folque é unha historia de loita pola divulgación da música popular galega e pola mellora da súa situación no contexto contemporáneo.

A súa semente remóntase ó Conservatorio de Música Tradicional e Folque de Lalín. Fundado no ano 2000, o CMFT rematou consolidándose como centro de referencia nacional e internacional atraendo a alumnado de toda a xeografía galega e estudantes chegados de Estados Unidos, Estonia, Portugal, Romanía… a pesar da carencia dunha titulación oficial para este tipo de ensinanza na Galiza. Supuxo un espazo pioneiro na renovación pedagóxica das prácticas musicais derivadas das músicas galegas de transmisión oral. O resultado foi unha nova canteira de intérpretes cualificados, coñecedores do ámbito profesional e abertos a experimentación e á creatividade tendo como punto de partida a música galega.

No ano 2008, o proxecto educativo traslada a súa sede a Santiago de Compostela, xa como aCentral Folque, Centro Galego de Música Popular. A ilusionante proposta, que tivo como sede a Escola de Altos Estudos Musicais, centrouse fundamentalmente na elaboración dun proxecto curricular para a música popular galega homologábel ás titulacións oficiais regradas do ámbito europeo. O obxectivo prioritario era fornecer contidos e coñecemento no alumnado para unha saída profesional. A traxectoria desde centro viuse abruptamente truncada pola perda de apoios económicos institucionais. Estas circunstancias motivaron que no curso 2009 até o 2014 a escola tivese unha nova formulación adaptándose ás necesidades específicas dunha formación aberta para todos os públicos da comarca de Compostela.

En 2015 ábrese un novo contexto e o proxecto dótase de novos horizontes. Este novo contexto nos leva a reformular novamente o proxecto recollendo toda a experiencia acumulada polo equipo técnico, artístico e docente, nos últimos quince anos, e dotándoo dunha nova e completa oferta educativa baixo o nome xenérico de aCentral Folque, Escola de Músicas Populares e Avanzadas.

No ano 2018, reducimos a nomenclatura para axeitala a como se nos coñece habitualmente: Escola de Música d’aCentral Folque

Comments are closed