Curso Maxistral aCF

EMPA_15_navallaO Curso Maxistral de aCentral Folque representa unha experiencia única na aprendizaxe da música popular galega. Unha rica bagaxe de coñecementos tradicionais sumada a metodoloxías vangardistas, sesións prácticas en grupo e guía de xestión profesional. Todo para axudar ós músicos a expresar a súa auténtica voz creativa na escena contemporánea.

INTRODUCCIÓN

Un profesorado formado por un grupo diverso de profesionais en activo recoñecidos cunha ampla experiencia na investigación e práctica musical. Unha metodoloxía de aprendizaxe musical que abrangue tódolos puntos de vista: teoría, metodoloxías de traballo de campo, práctica instrumental, enfoques vangardistas… 30 músicos convidados en seminarios ó longo do curso. Son os valores do Curso Maxistral de música popular galega de aCentral Folque.

O Curso Maxistral aCF está orientado a a calquera persoa iniciada na música con formación noutras escolas, conservatorios ou ben autodidactas, con perfiles creativos, ou interpretativos que poidan asumir retos profesionais a escala local ou internacional, así como axudalos á súa incorporación ao mundo profesional da música.

Para conseguirmos estes obxectivos baseámonos nun modelo de centro:

  • Especializado nas formas musicais galegas de transmisión oral e aberto ás linguaxes de vangarda.
  • Integral, caracterizado pola flexibilidade e equidade entre as especialidades.
  • Ao servizo dos futuros profesionais da música e tamén do conxunto da sociedade.
  • Conectada con profesionais, dos ámbitos escénico, educativo e investigador, de Galiza e do resto do mundo.
  • Aberta a todo o sector musical, permeábel ao entorno social e impulsora da música galega en todas as súas dimensións.

ESTRUTURA DO CURSO MAXISTRAL aCF

Características

  • Duración do curso: 2 anos (podendo realizarse o primeiro sen compromiso de continuar)
  • Data de comezo e fin do curso 2016/2017: desde o 22 de outubro de 2016 ata o 17 de xuño de 2016.
  • Localización: Auditorio de Galicia, Santiago de Compostela.
  • Tipo de aula: colectiva (máximo 10 persoas por grupo).
  • Número de horas lectivas: 116 h primeiro ano;  60 h segundo ano
  • Prezo por alumno: 300 €/1ºano. 220 €/2º ano

Primeiro curso

O primeiro ano é 40% teórico e 60% práctico. Os fundamentos teóricos e prácticos que se impartirán son troncais para a totalidade do alumnado. As materias e contidos pivotan ao redor destes catro eixos:

  • Repertorio e prácticas interpretativas: adaptación instrumental dos recursos interpretativos do canto, da gaita, ritmos, baile, …
  • Harmonización, orquestración e improvisación: harmonización, conxunto, improvisación, estéticas,…
  • Formas musicais do patrimonio musical galego: teoría e análise, fontes, historia, etnomusicoloxía, …
  • Teoría e análise da música patrimonial: contextualización histórica e social do fenómeno musical no noroeste peninsular

A carga lectiva total é de 116 horas.

A docencia impártese en sesións semanais de 4 horas de duración, nun total de 29 semanas. Cada hora estará adicada a un dos catro eixos.

O alumnado organízase en 2 grupos de máximo 10 persoas cada un.

As aulas impártense os sábados de 10h a 14 h no Auditorio de Galicia (Burgo das Nacións, Santiago de Compostela)

Segundo curso

O segundo ano é completamente práctico sobre estas áreas específicas propostas:

-Música Tradicional e Folque
-Música Popular Urbana
-Músicas Contemporáneas

O fundamento pedagóxico neste segundo ano é a práctica instrumental, así coma horas adicadas a sesións de gravación, sonorización e acústica, posta en escea, dereitos autorais, lexislación e administración, comunicación, etc. comúns a calquera área.

MESTRES

  • Coordinación: Ramón Pinheiro
  • Departamento de Patrimonio Musical Galego: Pablo Pérez Sanmamed
  • Departamento de Música Popular Urbana: Alejandro Vargas
  • Departamento de Músicas Contemporáneas: Xavier María López
  • Departamento de Historia, Teoría e Método da Música Patrimonial: Sergio de la Ossa

A estes mestres permanentes, súmase un feixe de especialistas que impartirán seminarios exclusivos en distintas áreas: Dorothé Schubart,  Rosalía Rodríguez Vázquez, Ugia Pedreira, Paulina Ceremuzynska, José Manuel Díaz, Olga Kirk, David Bellas, Paulo p., José Luís do Pico Orjais, Nacho Muñoz,  Óscar Ibáñez,  Carlos Freire, Pablo Pérez, Fernando Abreu, Carme Iglesias, Maisa Lago, Alba María, Xavier Groba, Tomás Ageitos

+ info: pica aquí

MATRÍCULA: pica aquí

Comments are closed