Esta mañá presentouse, en rolda de prensa, a programación do Festival Espazos Sonoros na súa oitava edición, nun acto que tivo lugar no CGAC no que participaron o Conselleiro de Cultura, o Secretario Xeral de Cultura e a directora artística do Festival, acto no que se contou tamén cunha pequena actuación do gaiteiro Óscar Ibáñez. Un programa variado de concertos e outras actividades que se desenvolverá en setembro e outubro nas catro provincias galegas.aCentral Folque participa con dous concertos, un do dúo Fdez&Quintá arredor da zanfona histórica do Museo Massó en Bueu que contará cunha palestra de Pablo Quintana sobre este instrumento. E a presentación do novo libro da colección da Chave Mestra sobre Xan Tilve, o gaiteiro de Campañó con palestra do autor do texto Xavier Groba e o Óscar Ibañez trio que gravaron coa gaita histórica do gaiteiro de Poio no Museo de Pontevedra.
Toda a información está dispoñible tamén na web do festival www.espazossonoros.org.
Este é o vídeo promo desta edición do festival:
