Chané na Habana

Map Unavailable

Data
02/08/2019 _ 20:30 h

Lugar
Arca da Noe

Prezo: de balde

Categoría


Para celebrar o V aniversario do xa mítico local “A arca da Noe”, o trio de Alejandro Vargas e a cantante Rosa Cedrón levarán ao palco de Vilar de Santos (OU) as cancións reformuladas de José Castro “Chané” o vindeiro sábado 2 de agosto de 2019. O evento terá lugar a partir das 19 h canda outros artistas convidados para a ocasión como As MuXicas e Magín Blanco.

Este concerto do Alejandro Vargas Trio coa cantante Rosa Cedrón fará un repaso dos 12 temas do disco de “Chané na Habana”, gravado a finais de xullo de 2017 no Auditorio de Galicia. Arranxos actuais sobre o repertorio recuperado de Chané, unha das figuras do rexurdimento musical galego a finais do século XIX e que morreu na Habana no 1917.

  • Alejandro Vargas: piano e arranxos
  • José Manuel Díaz: contrabaixo e arranxos
  • L.A.R. Legido: batería
  • Rosa Cedrón: voz

“Chané na Habana” é o  espectáculo musical d’aCentral Folque que xunta a un grupo de artistas do mundo do jazz, a clásica e o folk, reunidos especialmente para reinterpretar o repertorio de José Castro “Chané” no centenario do seu pasamento. Alejandro Vargas Consort & Camerata Egeria coa cantante Rosa Cedrón súbense ao palco para tocar, cantar e gravar as cancións do xenial compositor galego.

Co obxectivo de ofrecer unha visión nova e desprexuiciada do clásico galego abórdase a súa obra dunha forma inédita: desde o sentir musical cubano. Chané viviu e desenvolveu grande parte da súa obra na Habana, onde morreu. Hoxe, cen anos despois da súa morte, son unha selección de extraordinarios músicos liderados polos cubanos Alejandro Vargas e José Manuel Díaz os que abrazan e reelaboran o seu repertorio para devolvelo con unha nova vitalidade ao maxín popular galego.

 

About Folque

aCentral Folque, Centro Galego de Música Popular. Galiza, Europe
Bookmark the permalink.

Comments are closed