Data
30/06/2023 _ 16:00 h
Lugar
Auditorio de Rianxo
Prezo: 30 €
Categoría
Obradoiro práctico para persoas iniciadas na zanfona que queiran expandir o seu coñecemento. Desta volta sobre recursos interpretativos co músico e pedagogo Vítor Soto. O curso ten unha duración de catro horas intensivas.
Detalles:
- Data: venres 30 de xuño 2023
- Lugar: Auditorio de Rianxo
- Horario: 16-20h
- Prezo: 30 €
- Prazas limitadas.
- inscrición: debes encher o formulario dixital de embaixo
Sobre o curso:
Obradoiro intensivo de catro horas para persoas iniciadas no instrumento. Temas a desenvolver:
1. Recursos interpretativos dun instrumento de tecla
- Mesma nota distintos dedos
- Glisandi
- Uso do polgar
2. Recursos interpretativos dun instrumento de arco
- Matices
- Articulacións
3. Recursos interpretativos dun instrumento de percusión
- Posibilidades
- Estudo do bordón rítmico en distintos contextos
4. Execución do tratado en repertorio
Sobre o mestre
Vítor Soto é diplomado en Maxisterio Musical pola Universidade de Vigo e Técnico nas Ensinanzas Profesionais de Música na especialidade de Viola da Gamba, polo Conservatorio de Música Profesional Manuel Quiroga de Pontevedra.
Realiza estudos de zanfona con Anxo Pintos na E-TRAD de Vigo e con Germán Díaz en Santiago de Compostela e Lugo. Ten feito cursos con zanfonistas do prestixio internacional coma Tobie Miller, Johannes Geworkian Hellman, Efrén López, Gregory Jolivet, Francesco Giusta, Matthias Loibner….
Dende hai once anos, desenvolve o súa labor docente como ensinante de zanfona na Escola de Gaitas Provincia de Pontevedra en Vigo, na Escola de Música do Centro Dotacional de Torroso (Mos) e no Centro Cultural O Fuscalho da Guarda. Durante este tempo, impartiu tamén aulas de zanfona na Asociación Cultural “Brisas do Quenllo” na Pontraga (Tordoia) e na Asociación Cultural “ Seis por Oito” de Vigo.
Entre as súas gravacións atópase a participación como zanfonista no disco homenaxe a Faustino Santalices “A zanfona na Galiza no s.XXI”, no libro/cd “Contos e Coplas de Estrelas” e no traballo “Trastempo” da Orquetra Sondeseu.
Organiza os “Cursos de Zanfona do Viso” xunto ó luthier e músico Carlos do Viso.
Formulario de inscrición:
*recibirás un correo (non inmediato, non automático) oa confirmación da praza e instrucións a seguir para a formalización da matrícula
