Data
09/02/2019 _ 11:00 h
Lugar
CSC A Trisca
Prezo: 30 €
Categoría
D’A Pontragha e outros cantos é un novo obradoiro dentro dos Monográficos de Inverno EmaCFolque 2019. Un curso intensivo de tres horas sobre o repertorio, toques e cancións da zona da Pontraga (Tordoia, Coruña) con Carme Iglesias para tocador@s iniciadas no canto con pandeireta.
Contido do curso:
“Camiñaremos coa pandeireta debaixo do brazo polos distintos xeitos de tocar do concello [Tordoia] movéndonos entre o pateado da montaña e o maneo case bergantiñán, entre a muiñeira acabalgada e o puño cerrado.”
Detalles do curso:
- Data: sábado 9 de febreiro 2019
- Horas: 11 a 14 h
- Lugar: CSC A Trisca. Compostela
- Prezo: 30 € (20 € alunado EMaCFolque)
- Inscricións e info: matricula@folque.com
Breve Bio
Carme Iglesias natural d’A Pontragha, no concelho de Tordoia, pode contarse entre as tocadoras e cantadoras do País por nacer no lugar onde naceu. O trabalho da Asociación Brisas do Quenllo, da que forma parte, a mediados dos 2000 para xuntar xs velhxs tocadorxs e bailadorxs da comarca desrubriulle un mundo novo, unha nova perspectiva da música, a lingua e a cultura popular, e unha gran curiosidade.
Esta é a peza chave para comezar asistir a aulas de pandeireta e canto no seo da Asociación da man de Xurxo Fernandes. É neste contexto no que xorde, polo 2018, o grupo de tocadoras Bouba, do cal é integrante e co que presenta un disco no ano 2016 (Vinculeiras).
Actualmente, imparte aulas de pandeireta e canto por e para distintas asociacións do País. Conta, así mesmo, con dous novos proxectos. Tralo-valo compartindo palco co zanfonista Ariel Ninas nun intento de darlle novas sonoridades de acompañamento ás músicas de sempre, e Lévedo, unha mestura entre a música tradicional e o rock progresivo.