Data
07/06/2017 _ 19:00 h
Lugar
Praza da Quintana
Prezo: de balde
Categoría
Presentación do libro “Florencio, o cego dos Vilares” dentro da Semana do Libro de Compostela. O acto contará co editor da colección Chave Mestra de Ramom Pinheiro Almuinha e coa violinsta María G. Blanco e Gom Goás que interpretará unhas pezas do repertorio de Florencio.
Con este libro réndese unha merecida homenaxe e disponse ao público a oportunidade de coñecer a súa arte musical. Nel destaca a participación da grande musicóloga suíza Dorothé Schubarth, principal estudosa da figura de Florencio, quen xa incluíra algúns rexistros e análises do fonsagradino no seu monumental Cancioneiro Popular Galego, realizado en parcería con Antón Santamarina e editado pola Fundación Barrié nos anos oitenta. O libro complétase coas achegas do investigador húngaro András Vavrinecz, especializado en violín tradicional europeo, o musicólogo galego Sergio de la Ossa, editor das transcicións musicais, o historiador Ramon Pinheiro e as transcricións das letras das cantigas realizadas por Antón Santamarina.
Esta obra forma parte da colección Chave Mestra que edita aCentral Folque. publica sobre persoeiros senlleiros da música tradicional. Até o momento, están publicados os estudos sobre o actor Joselín, o artesán Amadeo Goyanes, e o acordeonista Pazos de Merexo. Todos os libros están acompañados por un CD con gravacións históricas inéditas.
