Data
28/03/2020 _ 11:00 h
Lugar
CSC A Trisca
Prezo: 45 €
Categoría
Música e baile en Avión. Obradoiro de percusión e danza
Monográfico específico dos toques e os bailes soltos e agarrado desta zona de Ourense co repertorio específico das aldeas de Rodeiro e Mangüeiro con Xavi Castaña. Para todos os públicos iniciados no canto co percusión tradicionais.
Detalles do curso
- Data: sábado 28 de marzo
- Horas: de 11 h a 14 h e de 16 h a 19 h
- Lugar: CSC A Trisca. Compostela
- Prezo: 45 €
- Inscricións e info: matricula@folque.com
Descrición
No apartado de de percusión centrarémonos nos toques característicos -tanto na lata como na pandeireta- de dúas aldeas de Avión (Rodeiro e Mangüeiro). Aprenderemos unha muiñeira, unha xota e un agarrado combinando os dous instrumentos. (Nivel intermedio).
No que respecta á danza, centrarémonos no baile solto, no xeito de executar os puntos e nalgúns puntos concretos da aldea de Rodeiro.
É preciso traer pandeireta e lata (poderiamos emprestar algunha lata).
Xavi Castaña
Tivo o primeiro contacto coa pandeireta, o canto e o baile de man de súa avoa en Fondodevila (Baños de Molgas, Ourense). Con 16 anos empezou a moverse polo mundo dos fiadeiros e seráns, facendo recollidas por Ourense (comarcas do Ribeiro e da Limia) e sur de Pontevedra, e aprendendo das señoras de cada aldea. Foi profesor de pandeireta e baile no centro sociocultural de Merí (Ourense). Na actualidade dá aulas de pandeireta, baile e pandeiro cadrado en Compostela.
