Data
18/04/2020 _ 10:00 h
Lugar
CSC A Trisca
Prezo: 30 €
Categoría
Pandeiro Redondo. Percusións e cantares de Piñor
Monográfico de canto e percusión de man con María Vidal sobre o pandeiro (redondo) con prácticas no repertorio de Piñor (provincia de Ourense). Unha oportunidade de achegarse a este instrumento pouco común hoxe en día en Galiza que estivo moi presente nas ruadas e seráns dos territorios rurais do país. Este curso é para persoas cun nivel intermedio de pandeireta.
Detalles do curso
- Data: sábado 18 de abril
- Horas: de 10 a 13.30 h
- Lugar: CSC A Trisca. Compostela
- Prezo: 30 €
- Inscricións e info: matricula@folque.com
Descrición
Neste obradoiro imos coñecer un instrumento esquecido e pouco practicado actualmente . A súa presenza foi fundamental nas fiadas, mesmo podemos asegurar que dirixía cos seus golpes as partes do baile. Para o curso especificamente se practicarán toques de recollidas na aldea de Piñor, Ourense.
Contidos: Aprendizaxe práctico do tocar e do cantar sobre un repertorio de Piñor. Xota e muiñeira.
É preciso ter un nivel medio en pandeireta. Non é necesario saber tocar o tambor.
Material necesario: pandeireta e pandeira. Un par de baquetas de tocar tambor. Podemos emprestar algún pandeiro redondo e tamén paos.
Este obradoiro é parte do traballo “O PANDEIRO REDONDO”, realizado xunto con Xermán Muiños e Pichi Abollado.
María Vidal
Comeza nos anos 80 a facer recollidas por toda a xeografía galega. Dende entón participa como compoñente en algunas agrupacións folclóricas de Pontevedra. Colabora en traballos discográficos con Britonia, Pepe Vaamonde Grupo, Ardentía e actualmente, é a voz de As Cantigas de Elena.
Na actualidade, imparte aulas de canto e percusión tradicionáis en varias Asociacións das provincias de Pontevedra e A Coruña.