Parola con Sés

Data
21/05/2014 _ 20:00 - 22:00 h

Lugar
Local da Folque

Prezo: 3 €

Categoría


Dentro das actividades no local da Folque para este 1º semetre de 2014, organízanse esta 2ª sesión de “Parolas de tu a tu“, intres próximos para falar abertamente abertamente das visións sobre arte e oficio de personaxes relacionados coa música popular actual.

Maria Xosé Silvar, SÉS

sesSe algo podemos destacar de SÉS é o seu enorme carisma e forza persoal, xa de sobra amosada en centos de concertos e actuacións ao longo de toda Galiza, percorrendo diferentes escenarios, pobo tras pobo e cidade tras cidade. Aos poucos e grazas á transmisión boca-orella, a súa intensa personalidade e honestidade á hora de manifestarse, foi conquistando o público cun caudal de enerxía que chama pola unión e o cuestionamento do establecido.

Formada na música e no baile tradicional, Sés é profesora e licenciada en Filoloxía Galega e Antropoloxía Social. En 2007 crea xunto a tres amigos a banda Chámalle Xis!, un dos grupos revelación daquel ano e un dos gañadores do concurso A Coruña Son, apadriñado por Santiago Auserón.

No ano 2011 editou o seu primeiro traballo, “Admirando a Condición”, e na actualidade está a presentar o seu segundo disco “CO XENIO DESTROZADO” un traballo feito con orgullo identitario, frescura e vitalidade, que pretende concentrar nunha presa de cancións viscerais e paixonais a potencia do directo. Temas de cantautora vestidos de blues, rock e sons do continente hispanoamericano.

http://www.mariaxosesilvar.com

About Folque

aCentral Folque, Centro Galego de Música Popular. Galiza, Europe
Bookmark the permalink.

Comments are closed