I Encontro Cantares de Reis

CantosReicesO I Encontro Peninsular Arredor dos Cantares en Tempo de Reis ten lugar este venres 10 de xaneiro en Boimorto con ponentes convidados de Catalunya, Euskadi, Castela, Portugal, Galiza e Castela con convidados tan ilustres coma Domingos Morais, Carlos Guerreiro, Josu Larrinaga ou Joaquin Díaz. Está organizado polo  Servizo de Normalización Lingüística do Concello de Boimorto.

A tradición dos Reis permaneceu viva ata hai pouco tempo en Boimorto, e en  toda a comarca, é por iso que dende hai dez anos vense celebrando un certame de cuadrillas de Cantares de Reis que comezou sendo concurso e rematou por ser mostra. Paralelamente convocáronse concursos de recolla de folclore arredor deste tempo e publicáronse un libro cd con recollas de toda Galicia e posteriormente editouse un cd con cantos de Nadal e Reis gravado polas cuadrillas participantes na mostra.

Este ano quixemos darlle unha volta máis no disfrute da nosa tradición e convocamos, ademais da Mostra de Cantares de Reis que se celebrará o día 3 de xaneiro, o  I Encontro Peninsular Arredor dos Cantares en Tempo de Reis. Puxémonos en contacto con xentes amantes e con opinión na  tradición das diversas culturas peninsulares e pedimoslles un traballo a cada un para expoñer en Boimorto o día 10 de xaneiro.

Este encontro pretende ser aberto á participación e á opinión e o seu obxectivo é o de reflexionar, compartir, debater e gozar arredor dos cantares e costumes en Tempo de Reis.

Para isto é para o que convocamos a tódolos interesados nesta actividade a asistir o día 10 de xaneiro a partir das dez da mañá e pasar connosco un día compartindo tradición e ilusión. Serán sete os invitados principais que expoñerán cada un, durante vinte minutos, a poñencia ou comunicado elixido, tendo a continuación outros vinte minutos de debate e dez de descanso.

Por Cataluña Gianni Ginesi

Por Euskadi Josu Larrinaga

Pola Meseta José Antonio Alonso e Joaquín Díaz

Por Portugal Domingos Morais

Por Galicia Cristina Sánchez Carretero e Xesús Mato Mato.

Horarios:

10:00h. Recepción de participantes e convidados e inauguración do Encontro pola alcaldesa de Boimorto Dna. Ana Ledo

10:15h. Primeira poñencia, debate mostra de folclore.

11:05h. segunda poñencia, debate e mostra.

11:55h. terceira poñencia, debate e descanso.

12:45h. cuarta poñencia, debate e parada para xantar.

14:00h. Xantar.

16:00h.quinta poñencia , debate e mostra

16:50h. sexta poñencia, debate e descanso

17:30h. sétima poñencia.

18:00h. Posta en común, debate e conclusións

19:15h. Clausura do encontro e contacto máis distendido para os que queiran quedarse.

Mais info na web: www.concellodeboimorto.es

About Folque

aCentral Folque, Centro Galego de Música Popular. Galiza, Europe
Bookmark the permalink.

Deixa un comentario