by Miguel Souto
Este ano a escola d’aCentral Folque en Compostela ofrece un interesantísimo curso de Linguaxe Musical (métdo Kodály) con Sergio de la Ossa especialmente orientado sobre a base da música popular. Este é un curso dedicado a aqueles que queiran achegarse á lectura e á escrita da música, ao entrenamento auditivo e á comprensión musical a través do canto e da experiencia práctica, principalmente empregando cancións e melodías instrumentais tradicionais. Será unha aprendizaxe con técnicas consagradas no Concepto Kodály (p. ex. o solfexo relativo/do móbil) como outras máis novidosas de procedencias varias.
Sergio de la Ossa
É mestre de Educación Musical pola USC. Trasládase despois a Hungría para completar a súa formación entre 2001 e 2004 (obtendo o novo Grao de Especialista en Pedagoxía Musical Kodály no 2010). Desde 2011 imparte a materia de ‘Folk Music’ no Instituto Kodály da Academia Liszt (Kecskemét). Recibe leccións e consellos sobre transcrición e catalogación de músicas tradicionais de parte das etnomusicólogas Mária Domokos e Olga Szalay, do Instituto de Musicoloxía (ZTI) da Academia Húngara das Ciencias, Budapest. Traballa desde 2007 na transcrición, edición e arquivo do material musical pertencente ao Arquivo do Patrimonio Oral da Identidade do Museo do Pobo Galego (www.apoi-mpg.org). Exerceu como mestre de solfexo, guitarra clásica e harmonía na Escola das Artes (Brión) e na Escola de Música Berenguela (Compostela), e tamén ofreceu cursos e conferencias sobre música tradicional, baile, xogos e a adaptación do Método Kodály á realidade galega. Ampliou o seu interese ao mundo do baile tradicional e á notación do movemento, eido no que destaca a súa participación como co-autor do libro de baile tradicional galego “Así fan os bailadores” (Dos Acordes, 2009).
