María G. Blanco: mestra de violino na ELMPG

© Moncho Rivadulla

© Moncho Rivadulla

A aula de violino estrea mestra este curso 2014/2015. María García Blanco, unha nova intérprete xa curtida en palcos do país e en diversos proxectos musicais.

A aula de violino propón a aprendizaxe de repertorio popular principalmente galego, adaptado a este instrumento así como na escasamente conservado pero riquísimo estilo en Galiza (a figura d@ ceg@ violinista, como Florencio dos Vilares). Atención tamén a outras culturas europeas onde este instrumento ten unha importante presenza: países escandinavos, illas británicas, centro e leste de Europa. A través de técnica específica para violino: dixitación, tonalidades, ornamentación, golpes de arco, etc. poñendo en valor a transmisión oral e a memoria musical.

Breve bio de María García Blanco

Estuda violín dende os 7 anos no Conservatorio Profesional de Lalín coa mestra Inara Vecbastika, logo no Conservatorio Superior de Vigo e na Xove Orquestra Sinfónica de Galicia. No Conservatorio de Música Tradicional e Folque de Lalín coñece ao mestre Quim Farinha o que a achega a outras músicas e linguaxes. Como intérprete colabora con diferentes músicos galegos e segue a formarse en música moderna e novas técnicas para o instrumento. É mestra de educación musical e adícase á docencia da música dende o 2002. Toca actualmente nos recentes proxectos de Tischestein e Aramat e podes escoitar o seu violino nos discos de Xoan Curiel (Magnético Zen) ou Sérgio Tannus (no magnífico tema Beethoven tiña razão do disco Son brasilego)

 

About Folque

aCentral Folque, Centro Galego de Música Popular. Galiza, Europe

Bookmark the permalink.

Deixa un comentario