A tarde do xoves 22 de setembro dentro da celebración da 30ª Semana Cultural de Conxo, este centro sociocultural de Santiago acollerá unha sesión de regueifa a cargo da cantora e improvisadora Alba María co gallo da homenaxe a Manuel Tarrío, “o último trobador de Conxo”, aquel que naceu en Cornes no ano 1925.
A cantautora Alba María fará un obradoiro de regueifa dirixido á rapazada. Esta cantautora ten participado en numerosos certames de poesía e improvisación, sendo unha destacada poeta e regueifeira.
Para coñecer o resto da programación, podes ler esta nova sobre a rolda de prensa da 30ª Semana Cultural de Conxo:
http://santiagodecompostela.gal/hoxe/nova.php?id_nova=15015&lg=gal
