Os Danzantes dos Reis en Riofrio

O domingo 23 de decembro ás 17 horas ten lugar a presentación do libro “Os Danzantes dos Reis” no mesmo Riofrio, protagonista coas súas xentes dunha das danzas brancas máis representativas de Galiza que se fai no día de Reis cada 6 de xaneiro e que recolle nesta nova publicación da colección Cámara Escura, fotos e memorias deste sinalado acto da parroquia.

A presentación contará con algún dos danzantes actuais, co fotógrafo Eutropio Rodríguez, autor gráfico do libro, Alba Cid, escritora do texto que acompaña o libro, Xoan Carlos Bugarín Montes ‘Calis, alcalde de Mondariz e Ramon Pinheiro, editor e director artístico d’aCentral Folque.

Os Danzantes dos Reis | Los danzantes de Reyes | The three King’s dancers
de Eutropio Rodríguez, Alba Cid

A parroquia de Riofrío, en Mondariz, conserva un complexo espectáculo de “danzas brancas” na mañá do 6 de xaneiro, que comeza tras as coplas de Reis dentro da propia igrexa de San Miguel, e continúa en órbita polo adro, arredor do templo. Non sempre foi así, ben se lembra o percorrido dos danzantes polos vales.

Este volume é un álbum de fotografías sobre os danzantes de Reis: os que danzan e as que danzaron, quen terma dos preparativos, mais tamén os gaiteiros, os retratos de man en man, os movementos e os lugares. As partituras e a transcrición das coplas acompañan as fotografías, así como un texto que explora canto alí acontece  -desde as sensacións aos atributos e a vestimenta-, trenzando voces e dando conta das transformacións profundas que as danzas experimentaron.

About Folque

aCentral Folque, Centro Galego de Música Popular. Galiza, Europe
Bookmark the permalink.

One Comment

  1. Rodrigo Mera Iglesias

    Dónde pueeo comprar este libro.

Deixa unha resposta a Rodrigo Mera Iglesias Cancelar a resposta