O feitizo de Maruja Roca

Este é o libro publicado no 2020 da colección Cámara Escura.

Como foi parar unha cámara ás mans de Maruja Roca no Becerreá de comezos dos 40? Non se sabe. Nin tampouco como esas mans aprenderon a moverse na escuridade dun cuarto da casa. Sabemos, sen embargo, dos seus ollos. Dos rostros e rastros que gardou quen foi, non só a única fotógrafa da vila e das poucas mulleres que exerceron o oficio na Galicia da posguerra, senón alguén que hoxe se nos revela como artista para a historia da fotografía. Ollos que aínda ondulan nas imaxes, tentándonos a tocar a superficie dun feitizo.

O feitizo de Maruja Roca é unha publicación con fotos dun tempo que xa non existe cun ollar artístico e persoal.

A publicación son 200 páxinas con retratos e escenas dunha Galicia dos anos 40 en branco e negro. O texto está en versión trilíngüe e é o terceiro volume da coleción Cámara Escura.

Maruja Roca revélase, por fin. A obra singular e cegadora desta fotógrafa nada no ano 1912 e que exerceu a profesión en Becerreá durante a posguerra xa está reunida nun libro, O feitizo de Maruja Roca.

A súa publicación culmina un proceso de investigación que tivo o seu punto de partida nunha reportaxe que a autora do texto Nieves Neira Roca publicou en El Progreso en marzo de 2019 e co que gañou o premio de xornalismo Johán Carballeira. Ao pouco tempo da súa publicación, Neira Roca empezou a traballar no libro de maneira conxunta xunto a Eutropio Rodríguez para reunir o patrimonio fotográfico dunha das poucas mulleres que se dedicaron á fotografía na posguerra en Galicia.

  • O feitizo de Maruja Roca / El hechizo de Maruja Roca / The magic of Maruja Roca.
  • Eutropio Rodríguez / Nieves Neira Roca.
  • Libro-CD.
  • Colección: Cámara Escura.
  • Ref: CE 03.
  • Páxinas: 208.
  • Idiomas: galego, español, inglés.
  • ISBN 978-84-122867-0-0.
  • PVP: 20€

Comments are closed