Chave Mestra

Chega ás librarías e tendas de discos a colección CHAVE MESTRA. Unha colección rigorosa e preciosista, promovida por aCentral Folque, centrada en personaxes históricos do patrimonio musical e oral galego. Artistas que destacaron e ofreceron a súa personalidade, bon facer, e que axudaron a transmitir un coñecemento esencial do presente cultural galego. Gaiteiros, zanfonistas, violinistas, narradores, acordeonistas…

Aquí comeza unha serie de publicacións para rescatar, descubrir e divulgar, figuras indispensabeis da cultura tradicional. Libros de alta calidade con fotos inéditas, ensaio histórico e musical, transcrición e análise de partituras e CDs con gravacións orixinais e inédicas en cada unha das publicacións.

Sendo fieis á traxectoria de aCentral Folque de promover que os estudos e publicacións que realizamos teñan unha dimensión escénica que permita desde unha óptica actual compartir e reelaborar os saberes artísticos que nos foran legados, algúns destes títulos teñen aparellado algún tipo de espectáculo especial coma Os Contos de Joselín con Quico Cadaval, Celso Sanmartín e José Luis Gutierrez “Guti” en palco ou de Óscar Ibáñez Trio coa gaita orixinal do século XIX tocando o repertorio de Xoan Tilve.

Se queres mercar algún libro, podes preguntar na túa libraría habitual ou podes escribir un correio para que o enviemos: info@folque.com

PVP= 20 € + gastos de envio

 

Títulos publicados até agora

Pazos de Merexo e o acordeón da Costa da Morte
Autores: Xurxo Souto (texto) e Pedro Pascual (partituras e análise musical)

Amadeo Goyanes e as zanfoneiras de Monforte
Autor: Pablo Quintana

Florencio, o cego dos Vilares
Autores: Dorothé Schubart, Antón Santamarina, Ramon Pinheiro, Andras Vavrineciz, Sergio de la Ossa

Os contos de Joselín
Autora: Laura Tato

Adelino Pichel e os gaiteiros de Forcarei
Autor: Juanjo Fernández

Xoán Tilve, gaiteiro de Campañó
Autores: Xavier Groba (texto), Óscar Ibáñez (análise musical e partituras)

Comments are closed