DO VI ENCONTRO INTERNACIONAL DE PANDEIROS DE MAO
Aberta inscrición a obradoiros de DUF '09
24/10/2009O vindeiro sábado 14 de novembro realizaranse dous obradoiros para iniciados dentro da programación do Festival DUF deste ano. Serán Fai o teu pandeiro! un curso de artesanía musical de construcción dun adufe co constructor Carlos do Viso e unha Master class de técnica de pandeiro brasileiro co artista convidado deste ano, Marcos Suzano. Ámbolos dous teñen prazas limitadas.
Os dous terán lugar na mañán do 14 de novembro, de 10 a 14 h en Pontevedra.
Fai o teu pandeiro! é un obradoiro de construcción dun adufe, instrumento membranófono de doble pel sobre un bastidor cadrado dirixido polo artesán Carlos do Viso. Non só aprenderás a facer un pandeiro senón que marcharás a casa con el!
Este curso ten un prezo de 150 €. (o material está incluído)
Master Class con Marcos Suzano é unha aula maxistral con grande renovador da técnica de pandeiro brasileiro, un músico que desenvolveu un novo xeito de tañer o pandeiro aplicando técnicas contemporáneas ao toque tradicional. Está orientada a persoas iniciadas na percusión. Podes unha exhibición en vídeo aquí .
Se precisas un pandeiro brasileiro, a tenda Pontemúsica de Pontevedra vende exemplares profesionais a 59 €
Este curso ten un prezo de 80 €.
Para anotarse a estes obradoiros, escribe un mail a matricula@folque.com ou chama ao +34 881 031 829, co título do curso ao que queres asistir.
1 Comentarios
rosiña comentou en 13/11/2009 08:48
Ola! Aínda hai prazas para aprender a facer o pandeiro?? Que horario tén? de 10 a 2?
Graciñas!
Deixe o seu: