DENTRO DOS MONOGRÁFICOS 2010 DE aCENTRAL FOLQUE
Curso monográfico sobre baile galego
09/02/2010"Repertorio, recursos e didáctica do baile galego" é un curso práctico orientado a docentes para adquirir novas ferramentas pedagóxicas e para interesados que queiran ter unha idea xeral do baile galego e coñecer os fundamentos de aprendizaxe. Impartido por Xabier Iglesias e Juan Parga os vindeiros 12 e 13 de marzo e un prezo de 60 € e 8 horas lectivas.
O obxectivo deste curso é dotar de repertorio, recursos e material didáctico a monitores e mestres que queiran introducir os seus alumnos no baile tradicional galego, ademais de servir de iniciación a calquera persoa interesada neste eido.
Traballarase con material extraído do folclore, formado por xogos, danzas, bailes soltos e agarrados, para así ter unha visión global do baile galego; o importante rol que xoga o baile en aspectos como a socialización, a motricidade e coordinación, a interiorización do ritmo e a música, sendo unha arte de práctica recomendada en distintos ámbitos educativos.
A orde será a habitual para unha clase de iniciación:
- - BAILES-XOGO
- - DANZAS
- - BAILES SOLTOS
- - BAILES AGARRADOS
Prezo: 60 €
Horario:
- venres 12 marzo de 17 -20 h
- sábado 13 de marzo de 11 -14 h e 16 -18 h
Inscrición:
mail a info@folque.com ou no tlf. +34 881 031 829
Ligazóns
8 Comentarios
curiosa comentou en 09/02/2010 12:44
para que nivel é este curso?
Folque comentou en 09/02/2010 12:47
é un curso para todos os niveis:
- Para o mestre porque aprenderá cousas novas que ensinar nas súas aulas.
- Para o bailarín experimentado porque coñecerá bases pedagóxicas pra profundizar no baile
- Para quen quere empezar porque terá unha visión xeral do que é o baile galego.
Miguel comentou en 09/02/2010 15:12
Que duración ten o curso? Cal sería o horario?
Folque comentou en 09/02/2010 15:25
Ola Miguel,
o curso ten unha duración total de 8 h
os horarios
* venres 12 marzo de 17 -20 h
* sábado 13 de marzo de 11 -14 h e 16 -18 h
Miguel comentou en 09/02/2010 16:59
E cando comeza e remata o prazo de matrícula?
Folque comentou en 10/02/2010 10:52
o prazo está aberto e remata cando as prazas estean ocupadas
ANA comentou en 24/02/2010 17:26
DONDE SE CELEBRA O CURSO?
Folque comentou en 24/02/2010 18:31
No espazo de ensaio da compañía Berrobambán na Avenida de Lugo -preto da estación de tren.
Deixe o seu: