Escola Livre da MPG

A Escola Livre da MPG é o centro de estudos regulares que aCentral Folque ten en Santiago de Compostela cunha oferta variada e especializada en diferentes eidos do patrimonio musical galego, fundamentalmente instrumentais: gaita, percusión, sanfona, requinta, violino, acordeón diatónico, regueifa e teoría da música e arranxos folque.

A posibilidade que esta escola brinda ao seu alumnado é formarse con mestres de recoñecida solvencia, músicos profesionais, e adquirir os coñecementos fundamentais para desenvolver as súas capacidades e aptitudes.

Esta capacitación instrumental permitiralle optar, se o desexa, aos circuítos profesionais. aCentral Folque serviralle nese camiño de plataforma, ofreceralle asesoramento, funcionará como punto de encontro, etc.

Neste sentido, aCentral Folque quere promover a convivencia entre as diferentes propostas elaboradas polo alumnado, tentando ser un verdadeiro laboratorio de formas musicais patrimoniais galegas.

Onde está

O ensino da Escola Livre da MPG en Compostela está repartida en diferentes espazos da cidade achegando a distintos lugares as posibilidades de aprendizaxe cos seus mestres.

As oficinas de aCentral Folque atópanse no barrio de Vista Alegre, na zona norte da cidade e centralizan toda a actividade organizativa da Escola Livre da MPG.

Rúa Salvadas 22, Parque de Vista Alegre,
15705 Santiago de Compostela
Teléfono: +34 881 031 829

patrocinadores