Baile Assalto de febreiro

Graphic13Volta o Baile Assalto ao calendario. Este segundo venres de mes, 13 de febreiro, a partir das 21.30h na Gentalha do Pichel, organízase un BA especialmente adicado á música e danzas de Gasconia co dúo de Bordeaux, La Forcelle. Para completar o cartaz, dous mestres da ELMPG, Carlos Freire e Ariel Ninas co dúo Bitoque.

Gasconia é o territorio máis occidental da Occitania, esa cultura do sur do país franco, berzo dunha música moi interesante e uns bailes colectivos divertidos e sinxelos de aprender. Para amenizar o baile contaremos coa música ao vivo dun dúo de burdeos, La Forcelle, que acaban de publicar o seu segundo CD, Lestrille depois de máis de un lustro tocando nas “bals trad” de Francia. Para completar a noite, Bitoque, un dúo para o baile, zanfona+percusión cos ritmos máis populares do Baile Assalto: mazurka, circle, bourrée, schottish, xota, muiñeira, valse e pasodoble…

La Forcelle

  • Camille Raibaud: violino
  • Lolita Delmonteil Ayral: acordeón diatónico

Este duo lévavos en terra de Gasconha, para un baile/concerto cheo de tradición e creación. Poderiamos pensar que todo foi feito na óptica duo acordeón/violin, e asi é. Un fondo de musica sensible, dous músicos en simbiose, unha enerxía desbordante, algo de humor, amor e de delicadeza. Son os ingredientes da alquimia que une ao dúo, degoiroso de compartir cos bailadores, o melomano, ou o simple paseante a súa música.

Vídeo de La Forcelle, pica aquí

Bitoque:

  • Ariel Ninas: zanfona
  • Carlos Freire: batería

“É o clavo que leva a llanta”, son as verbas de Concha de Luneda para explicar o que “bitoque” significa. Para o caso, é o dúo que o zanfonista Ariel Ninas ten para un repertorio de bailes europeos acompañado de algún percusionista variable e segundo disposición. Estrea formación con Carlos Freire, mestre da Escola Livre da Música Popular, e músico de bandas coma a de Susana Seivane, Alba María ou Xoel López.

Acerca de Folque

aCentral Folque, Centro Galego de Música Popular. Galiza, Europe
Garda a Ligazón permanente.

Un comentario

  1. Esperamos que se repita para poder escoitar e bailar cos seus toques

Deixa un comentario