Concerto de apertura do XX Festival Internacional Zona da Zanfona na nova sede de Arzúa e no marco íntimo e acusticamente agradábel da Capela da Madanela, unha igrexa sen culto administrada desde o Concello e no centro da vila. O concerto é de entrada libre até completar aforamento. A hora de comezo será ás 21 horas o vindeiro venres 15 de novembro de 2024.
O programa ofrece dous concertos solistas complementarios para poder apreciar diferentes estéticas e repertorios feitos coa zanfona. Por unha banda teremos a Tobie Miller e “Les Délices: les plus jolis airs du 18ème siècle”, unha variada selección de pezas solistas do barroco francés de París e Versalles documentado nos manuscritos da época para a vielle à roue , adapatacións de hits da época para o instrumento ou composicións para virtuosos a cargo da mellor especialista deste xénero na actualidade. Por outra banda Carlos Beceiro ofrecerá o programa “Lyra Mendicorum. Folklore do Reino de León”, unha adaptación moderna dun repertorio creado a partir do Codex Calistinus.
Programa en detalle:
Tobie Miller: “Les Délices: les plus jolis airs du 18ème siècle”.
Mentres que temos centos de composicións de música de cámara para conxuntos que protagonizan a vielle à roue na Francia do século XVIII (dúos, tríos, cantatas, concertos de cámara), a típica zanfonista da época, tocaba na casa para o seu propio pracer e disfrute. Ademais, descríbense actuacións en solitario, interpretadas polos máis grandes solistas da época, incluído o ilustre Danguy, que foi comparado con Orfeo pola súa habilidade para tocar aos seus oíntes. Transmitiron numerosos libros persoais -manuscritos- que pertenceron a músicos da época, dando constancia das pezas solistas que tocaban. Estas pezas inclúen moitas composicións para vielle, en particular o único repertorio que se conserva escrito polo virtuoso ilustre Danguy, así como transcricións de obras dos compositores máis célebres da época. Estas pezas, orixinariamente para cravo, viola ou frauta, representan os grandes éxitos da Francia do século XVIII -melodías que se tarareaban nas rúas, tocaban nos salóns ou na corte- e que sitúan firmemente a vielle xunto a instrumentos como o clavicémbalo en termos de idoneidade para interpretar tales obras.
Este programa presenta unha selección das melodías máis fermosas que tocaron na vielle durante a súa época dourada na Francia do século XVIII, por compositores como Danguy, J.P. Rameau, F. Couperin ou M. Marais, compartindo unha ollada ao repertorio solista do instrumento durante este período.
Tobie Miller é a intérprete máis experimentada na música histórica para o instrumento. Após da formación en Música Antiga (B.Mus) na McGill University (Montreal), trasladouse a Basilea (Suíza) para continuar estudos de posgrao de música Medieval do Renacemento no prestixioso Schola Cantorum Basiliensis en Basilea. Ten publicado varios discos e participado nos máis prestixiosos festivais de música antiga.
Com o lider do seu grupo Ensemble Danguy publica no prestixioso selo Recercar os discos La Belle Vielleuse (2017), Les Saisons amusantes (2019) Le berger innocent (2023) nas mellores gravacións historicistas de repertorio escrito para a zanfona barroca. Como solista publica o seu disco BACH: Solo para o selo Raumklang (2018).
Tobie é unha intérprete única, por ser unha das poucas mulleres en tocar ao primeiro nivel a zanfona e por ser unha das poucas especialistas en repertorio clásico para a zanfona (de grande produción compositiva no século XVIII). Virtuosa a nivel técnico e coñecedora da linguaxe da música antiga e todo o repertorio para zanfona barroca. Actúa en varias formacións ao respecto, incluíndo o duo co zanfonista austríaco, Matthias Loibner, así como con directores ben coñecidos como Jordi Savall, Christophe Coin e Wieland Kuijken. Mentres mantendo un ocupado calendario actuando como concertista, tamén ensina regularmente talleres e en festivais coma o CAMMAC (desde 2003), o Over the water Festival en Seattle (desde 2005), Les Journées de La Flûte à Bec (2006), e no Schola Cantorum Basiliensis (2008).
Carlos Beceiro: Lyra Mendicorum. Folklore do Reino de León.
Un dos exemplos máis importantes da música do Reino de León é o Codex Calixtinus, manuscrito do século XII asociado á Catedral de Santiago de Compostela. Aínda que non é completamente leonés, está moi ligado ao Reino de León, dado que o Camiño de Santiago pasaba por terras leonesas. Este códice é unha das fontes máis antigas da polifonía europea, e a súa música está ligada tanto ao culto a Santiago como ás peregrinacións que percorreron León.
A música do Reino de León era unha rica mestura de liturxia relixiosa e música popular que incluía influencias tanto cristiás como musulmás, cunha notable presenza de xoglares e trobadores que percorreron as terras leonesas.
O concerto versará en clave contemporánea sobre as melodías que a zanfona e outros instrumentos teceron naqueles séculos de luz e camiño.
Carlos Beceiro naceu en Narón (A Coruña) o 6 de xullo de 1963. En 1982 trasládase a Madrid para estudar solfeo, harmonía e contrabaixo no Real Conservatorio Superior de Música. Ao mesmo tempo, adquire formación de jazz e actúa como baixista aos grupos de jazz-fusión I.S.P ou o Lorenzo Azcona Cuarteto.
É membro fundador de La Musgaña, creada en 1987, grupo co que realizou xiras e concertos por todo o mundo… Desde 1992 colabora co músico e compositor Luis Delgado en espectáculos como Alquibla, Halilem ou Las Tres Culturas.
Compaxina a súa faceta de instrumentista coa docencia dende 1993, impartindo clases de baixo eléctrico na Escola Municipal de Música de Alcobendas e numerosos cursos de corda pulsada.
Formou parte das bandas de Carlos Núñez, Kepa Junkera e participou en espectáculos da Compañía Ibérica de Danza ou en IL Viaggio di Sigerico, e ten participado en gravacións e concertos con músicos como Eliseo Parra, Maurizio Martinotti, Javier Bergia, Luis Delgado, Ana Alcaide, Josep María Ribelles, María Salgado, Manuel Luna, Eduardo Laguillo, Os Cempés, Dulce Pontes. , Bleizi Ruz, Pancho Álvarez, Baldo Martínez, Mestisay, Acetre, Biella Nuei, Albita, Clara Montes, Cristina Pato, Dimitris Psonis, Glen Velez… Ademais de músico de estudio en centos de gravacións, publicidade, audiovisuais e bandas sonoras.
Actualmente participando no proxecto “Evening Star” e co seu último proxecto Brïme de Ürz (2023), trío formado por Lorenzo Azcona (saxo soprano e clarinete baixo), Carlos Beceiro (zanfona, bouzouki e guitarra) e Juan Pedro Cornejo (acordeón).
https://www.carlosbeceiro.eu/
