No Campo de Fóra, a Escola de Música d’aCentral Folque nos Centros Socioculturais de Santiago, é un programa de cinco concertos e dous paseos musicais sobre o patrimonio musical da cidade para todos os públicos e de balde organizado por aCentral Folque a través da súa Escola de Música co apoio da Concellería de Capital Cultural do Concello de Santiago.
No Campo de Fóra é un ciclo ao redor da música tradicional reelaborada a celebrarse nesta primavera de 2024 dentro da Rede de Centros Socioculturais do Concello de Santiago de Compostela. Son sete propostas da Escola de Música de aCentral Folque cunha variada estética e de formatos estilísticos diferentes arredor das músicas pretéritas actualizadas.
A EMaCF, Escola de Música aCentral Folque, é un centro de ensino dinámico que leva na cidade de Santiago de Compostela 17 anos desde o curso 2008-2009 e 25 desde o seu nacemento no curso 2000-01 en Lalín.
No Campo de Fóra é o nome dun ciclo que xa existiu nos anos 2010 e 2011 cando aCentral Folque saía das aulas para ocupar os palcos dos CSCs e achegar a nova música tradicional aos barrios. Retoma ese espírito e ofrece un novo programa variado e accesíbel.
O ciclo abre o 18 de abril coa proposta ‘Traede ferrallada!’, un concerto participativo ao redor da música de tradición oral de matriz rural con Xisco Feijóo no CSC do Ensanche.
A dupla de Carme da Pontraga e Ariel Ninas, Tralo-Valo, continúa na mesma liña estética da música de raíz cun concerto pensado para bailar no fantástico salón do CSC do Romaño.
Un programa especial sobre a música antiga, patrimonio dun Santiago medieval aínda vivo nas rúas da cidade vella co Grupo 1500 no CSC da cidade Histórica Maruxa e Coralia.
A participación internacional no ciclo virá da man de Ivan Vilela, un virtuoso de São Paulo para un recital solista coa viola caipira no CSC da Trisca e se o tempo o permite será na súa azotea.
O programa de concertos pechará no CSC da Rocha con Aksak en formato de cuarteto, un proxecto compostelán sobre músicas da Galiza e Turquía nunha viaxe desde o Mediterráneo até o Atlántico.
O ciclo inclúe tamén os ‘Paseos musicais’, roteiros especializados sobre o patrimonio musical da cidade para entender os contextos e lugares. Esta serie pretende cubrir diferentes épocas históricas e comeza este ano coas propostas de Richard Rivera, guía turístico e músico, e Andrés Díaz, investigador e músico. Serán conferencias en movemento para público reducido e curioso. Richard Rivera e o roteiro ‘Músicas de Compostela’ o martes 21 maio ás 19 horas e Andrés Díaz con ‘O patrimonio musical dunha cidade educativa’ o mércores 29 maio, tamén ás 19 horas. As actividades son de balde con prazas limitadas; os paseos precisan de inscrición previa en folque.com que se abrirá o vindeiro 25 de abril ás 11.59 am.
Resumo do programa:
Concertos
- xoves 18 abril. 20 h Xisco Feijoó. Traede ferrallada!
CSC do Ensanche. R. de Frei Rosendo Salvado 14-16 - xoves 2 maio. 20 h Tralo-Valo. Para bailare!
CSC do Romaño. Travesa de Vista Alegre 46 - sábado 4 maio. 12.30 h. Grupo de música antiga 1500. Do divino e o mundano
CSC da Cidade Histórica Maruxa e Coralia. Praza de Salvador Parga 4 - Venres 10 maio. 20 h . Ivan Vilela. Viola caipira solo
CSC da Trisca. Corredoira das Fraguas 92 - Martes 14 maio. 19 h. Aksak. Galiza-Turquía
CSC da Rocha. Rúa do Beado, 1 Rocha Vella
Paseos musicais
- Richard Rivera. Músicas de Compostela. Martes 21 maio. 19 h
- Andrés Díaz. O patrimonio musical dunha cidade educativa. Mércores 29 maio. 19 h
Programación No Campo de Fóra 2024 en detalle:
[events_list category=”159″ scope=all]
Este programa está feito en colaboración coa Concellaría de Capital Cultural e a Rede de Centros Socioculturais do Concello de Santiago de Compostela.
