O ciclo No campo de Fóra inclúe os ‘Paseos musicais’, roteiros especializados sobre o patrimonio musical da cidade para entender os contextos e lugares nos que se desenvolveron. Para o ano 2024 teremos dous, un conducido por Richard Rivera: ‘Músicas de Compostela‘ o 21 de maio e por Andrés Díaz: ‘O patrimonio musical dunha cidade educativa’ o 29 de maio. A hora de partida é ás 19 horas e será notificado por correo electrónico o lugar de encontro. O percorrido será diferente cada día; a duración aproximada é duns 90′; a distancia e o nivel de dificultade da camiñada é fácil. Para todos os públicos.
Richard Rivera, guía turístico e músico que conducirá o primeiro dos ‘Paseos Musicais’ cunha visión xeral sobre as músicas que se practicaron e desenvolveron en Santiago desde a súa fundación na Idade Media pasando polo seu esplendor como centro cultural universal até os días de hoxe.
Andrés Díaz, músico e investigador que conducirá o segundo dos ‘Paseos Musicais’ cunha visión particular da música na cidade. ‘O patrimonio musical dunha cidade educativa’ é o título deste roteiro que se centrará no tempo a partir de finais da Idade Media e Renacemento, a Universidade, a capela da catedral,….
Para rexistrase, é preciso encher este formulario. As praza son limitadas e admitiranse só unha inscrición por persoa.
Formulario de inscrición para os Paseos Musicais No Campo de Fóra 2024
Recibirás un correo (non inmediato, non automático) coa confirmación ou lista de agarda.
Esta actividades están feitas en colaboración coa Concellaría de Capital Cultural e a Rede de Centros Socioculturais do Concello de Santiago de Compostela.
