21:00 h | Roteiro nocturno de arte rupestre
Colectivo A Rula | San Xoán de Fecha
O Colectivo A Rula, referente na investigación e divulgación dos petróglifos da comarca compostelá, regresa ao Fechiño cun roteiro nocturno polos principais conxuntos rupestres de Fecha.
O percorrido partirá da aldea desde a Pedra que fala e atravesará o Alto do Candado ata rematar en Vilar do Rei. Durante o traxecto visitaranse petróglifos e gravuras como as de Vilar do Rei, Pedra Miralles e os distintos paneis da Pedra que Fala. A actividade permitirá descubrir o patrimonio arqueolóxico de Fecha nun contexto nocturno especialmente evocador.
