Moisés Fernández imparte este curso introductorio de cajón flamenco nos Monográficos de Primavera que aCentral Folque organiza en Santiago de Compostela entre abril e xuño.
O cajón é un instrumento do folklore do norte peruano documentado desde mediados do século XIX (que o tocaban os escravos africanos quenes tiña prohibido tocar os seus tambores no virreinato español) e introducido desde os anos 70 con grande suceso na música andaluza do flamenco e de grande riqueza tímbrica e rítmica, moi versátil en todo o tipo de músicas modernas.
Os contidos deste curso introductorio vai ser unha viaxe polos palos senlleiros do flamenco (tangos, soleás, bulerías, rumbas) e os seus acentos rítmicos característicos coa técnica básica de colocación de mans, matices tímbricos, tempos e repeniques.
Detalles:
- Duración: 3 horas
- Prezo: 30 €
- Horario: de 17 a 20 h
- Datas: sábado 13 de maio
- Lugar: CSC A Trisca (Corredoira das Fraguas, San Pedro, Santiago DC)
- Nivel: iniciación. Prazas limitadas. Aula colectivas en grupo reducido
- Inscrición e info: matricula@folque.com
Breve biografía sobre Moisés Fernández:
Moisés Fernández (Compostela, 1979) é un percusionista galego especializado en cajón flamenco Moisés ten xa actuado con diversos artistas coma Josemi Carmona, Juan José Suárez “Paquete”, Antonio Muñoz Fernández, Javier Colina, a bailaora Yolanda Osuna, Fran Bichet ou o mesmísimo Falete.
Ademais do seu traballo de acompañamento, pertence a diversas formacións musicais do panorama do flamenco galego e outras fusións con conertos en toda Galiza. Ten participado en festivais coma o “Feito a man” en Compostela ou o “Martín Códax” en Cambados, ademais de programar as sesións Jam da Borriquita de Belem, sendo un dos referentes do cajón na súa cidade.
